هذى قوانين شبه يوميه لازم تصادفك وين ما كنت
قانون الاصطفاف : إذا صاف في طابور بطيء وقمت غيرته، طابورك اللي غيرته فجأة
يصير يمشي أسرع من اللي انت الحين فيه(الجوازات.الجمعيه)
قانون التلفون : عمرك ما تتصل على رقم غلط ويطلع مشغول(حق اللي حظه رايح فيها)
قانون التصليح : بعد ما إيدك تتزيت وتتوسخ من الشحم ودهن الماكينة، خشمك
يبدأ يحك(حق البنجرجي هذا)
قانون المعدات : إذا طاح من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه(للي يلعبون كره بالحديقه العامه)
قانون الأعذار : إذا تأخرت عن الدوام وقلت لرئيسك أن كان عندك بنشر، اليوم
اللي بعده تينشر من صج(صارتلي وايد)
قانون المسبح: بعد وضع جسمك في الماء، يبدأ التلفون يرررررن وما يسكت لا ويطلع لك واحد تعرفه من زمان ويبدي بالقرقا)
قانون الالكترونيات : إذا أخذت جهاز عند مصلح هندي تبي توريه انه ما يشتغل، حزتها
يشتغل أحلى من قبل
قانون السينما : اللي حاجزين كراسي في النص لازم يجون آخر ناس ويدوسون على
ريولك(تصير حق كل الناس)
قانون القهوة : أول ماتجيب لك كاس قهوة ساخن، يجي رئيسك ويعطيك شغلة ما تخلص
الا لما تبرد قهوتك(حق الاداريات بالمدرسه)
قانون المصادفات : إذا كنت مع واحد أو وحدة ماتبي حد يشوفك معاهم، فجأة كل
اللي تعرفهم يطلعون من كل مكان(حق المواعدين))
!!! قانون الأقساط : إذا عندك سيارة أو طراد أو أي سلعة مطلوبه للأقساط،،،
مجرد أن تنتهي الأقساط تخترب
قانون الزواج : بعد شهرين من زواجك ... يسألونك ها في شي بالطريج ؟؟؟(حق المعاريس اليد مو العيايز)
!! قانون نهاية الأسبوع : وأنت نايم يوم الجمعة ب 17 نومه تدز أمك أخوك
الصغير يغثك لمن تقعد عشان الغدى
!!! قانون المعاش : آخر الشهر لازم كل العزايم والهديا والطلبات تزيد حبكت(حق المقحط)
قانون الطقس : لازم بنهاية الاسبوع وانت حدك متحمس بتطلع حداق أو تروح البر
مع الربع يصير الجو هوى واغبار وحر وارطوبه بمعنى ثاني الفصول الاربعه بيوم
واحد
و أخيرا قانون البحث : إذا حبيت تدور شي معين(ما تلقاه).... معنك كنت كل يوم
تشوفه مجابل ويهك ؟؟
انتظر ردودكم وتعليقاتكم
